الحقنا يا ريس

الحقنا ياريس حالنا مش كويس
فى حكومه نظيف مش لقيين الرغيف
ووزير التموين يعنى عليه مسكين
الناس واقفه طوابير حيلاحق على مين ولا مين
ووزير الماليه حسباته مهلبيه
من غير ضمير وافكاره يـ؟؟؟
ووزير التجار قوله يدينا اماره
بنساله على المكسب ادانا الخساره
اما عن الداخليه فصوتى ياوليه
داخلها مفقود والخارج مالوش ديه
ووزير الخارجيه بيلف كعب داير
بندور عليه بيقولو لنا هاجر
اما عن التعليم فسال المعلمين
ال حاطوهم فى كادر وادوهم ملاليم
وياعينى على الطلبه واولياء الامور
فخلاص فى الشوارع بينظمو الامور
والمواصلات كمان بقت اخر جنان
مش بتكلم عن الزحمه بتكلم عن النظام

ولا الميكروبصات شغل اراجوزات

والاتوبيس زحمه وغاليه التاكسيات

ووزير القوى العامله عمل ايه فى البطاله؟

شبابنا ياقاعد ع القهاوى يا غرق فى العباره

ووزير الثقافه شغال فى الهيافه

ياريت يسيب الوزاره ويروح يبيع جوافه

ووزارة الاعلام حدث ولا حرج

قولوا عليها ياباسط يمكن يجينا الفرج

الحقنا ياريس خلاص الكيل طفح

ياتغير الوزاره يا تودينا رفح

ولا نروح اسرائيل او ياخدنا عزرائيل

الحقنا يا كبير العيله دى حالتنا اخر نيله